Wrth ystyried cais, mae’n rhaid i’r awdurdod lleol ystyried unrhyw sylwadau a gyflwynir gan y canlynol, neu ar eu rhan:

• yr ymgeisydd
• prif swyddog yr heddlu yn yr ardal berthnasol
• yr awdurdod priodol – un ai’r awdurdod gorfodi neu awdurdod perthnasol yn yr ardal lle bydd y sw yn cael ei leoli
• corff llywodraethu unrhyw sefydliad cenedlaethol sy’n ymwneud â gweithrediad sŵau
• os nad yw’r sw yn ardal yr awdurdod lleol sydd â’r pŵer i ganiatáu trwydded, yr awdurdod cynllunio ar gyfer yr ardal berthnasol (ac eithrio awdurdod cynllunio’r sir) neu, os yw’r ardal honno yng Nghymru, yr awdurdod cynllunio lleol ar gyfer yr ardal y lleolir y sw arfaethedig
• unrhyw un sy’n honni y byddai’r sw yn effeithio ar iechyd neu ddiogelwch pobl sy’n byw yn yr ardal
• unrhyw un sy’n datgan y byddai’r sw yn effeithio ar iechyd neu ddiogelwch unrhyw un sy’n byw gerllaw’r sw
• unrhyw un arall y gallai ei sylwadau ddangos sail y pŵer neu ddyletswydd sydd gan yr awdurdod lleol i wrthod caniatáu trwydded

Cyn y gellir gwrthod neu ganiatáu trwydded, mae’n rhaid i’r awdurdod lleol ystyried unrhyw adroddiadau gan arolygwyr a luniwyd ar sail eu harchwiliad o’r sw, ac ymgynghori â’r ymgeisydd ynglŷn ag unrhyw amodau maent yn cynnig y dylid eu gosod ar y drwydded a gwneud trefniadau i gynnal archwiliad. Dylai’r awdurdod lleol roi o leiaf 28 diwrnod o rybudd cyn cynnal yr archwiliad.

Ni fydd yr awdurdod lleol yn rhoi’r drwydded os bydd yn teimlo y byddai’r sw yn cael effaith niweidiol ar iechyd neu ddiogelwch pobl sy’n byw gerllaw’r sw, neu’n cael effaith ddifrifol ar gadw cyfraith a threfn neu os nad yw’n fodlon y byddai mesurau cadwraeth priodol yn cael eu rhoi ar waith yn foddhaol.

Gellir gwrthod cais am y rhesymau canlynol hefyd:

• nid yw’r awdurdod lleol yn fodlon bod safonau llety, staffio neu reoli yn addas ar gyfer gofal a lles yr anifeiliaid neu ar gyfer cynnal y sw yn gywir
• mae’r ymgeisydd, neu os yw’r ymgeisydd yn gwmni corfforedig, y cwmni neu unrhyw un o gyfarwyddwyr, rheolwyr, ysgrifenyddion neu swyddogion tebyg eraill y cwmni, neu geidwad yn y sw, wedi cael eu heuogfarnu o unrhyw drosedd yn ymwneud â cham-drin anifeiliaid

Bydd ceisiadau i adnewyddu trwydded yn cael eu hystyried ddim hwyrach na chwe mis cyn y daw’r drwydded gyfredol i ben, oni bai fod yr awdurdod lleol yn cytuno i ganiatáu cyfnod amser byrrach.

Gall yr Ysgrifennydd Gwladol, ar ôl ymgynghori â’r awdurdod lleol, roi cyfarwyddyd i osod un neu ragor o amodau ar drwydded.

Gall yr awdurdod lleol hysbysu’r Ysgrifennydd Gwladol, oherwydd nifer bach yr anifeiliaid a gadwir y yn y sw neu’r nifer bach o’r mathau o anifeiliaid a gadwir yno, y dylid rhoi cyfarwyddyd nad oes angen trwydded.

Na fydd. Er budd y cyhoedd, mae’n rhaid i’r awdurdod brosesu eich cais cyn y gellir ei ganiatáu.

Dylech gysylltu â ni os nad ydych wedi clywed gennym o fewn cyfnod rhesymol o amser.

60 diwrnod calendr.

Trwydded sw: Dim ffi bendant

Gwasanaethau Gwarchod y Cyhoedd, Stryt y Lampint, Wrecsam. LL11 1AR.

E-bost: public_protection_service@wrexham.gov.uk 

Cysylltwch â ni yn y lle cyntaf.

Os gwrthodir rhoi trwydded i ymgeisydd, gall apelio i lys ynadon lleol cyn pen 28 diwrnod ar ôl y dyddiad pan fydd yr ymgeisydd yn derbyn hysbysiad ysgrifenedig o’r penderfyniad i wrthod.

Cysylltwch â ni yn y lle cyntaf.

Gall deilydd trwydded gyflwyno apêl i lys ynadon yn erbyn:

• unrhyw amod ar y drwydded neu unrhyw amrywiad neu ganslo amod
• gwrthod cymeradwyo trosglwyddo trwydded
• cyfarwyddyd cau sw
• camau gorfodaeth yn ymwneud ag unrhyw amod nad yw wedi cael ei fodloni

Mae’n rhaid cyflwyno’r apêl cyn pen 28 diwrnod ar ôl y dyddiad y mae’r deilydd trwydded yn derbyn hysbysiad ysgrifenedig o benderfyniad yr awdurdod yn ymwneud â’r mater perthnasol.

Os ydych yn dymuno cwyno am unrhyw fater, rydym bob amser yn eich cynghori i gysylltu â’r masnachwr yn y lle cyntaf – trwy ysgrifennu llythyr yn ddelfrydol (gan ofyn am brawf bod y llythyr wedi cael ei ddanfon). Os nad yw hyn yn llwyddiannus, os ydych yn byw yn y Deyrnas Unedig gallwch gael cyngor gan Cyngor ar Bopeth (dolen gyswllt allanol). Os ydych yn byw y tu allan i’r Deyrnas Unedig, cysylltwch â Chanolfan Defnyddwyr Ewropeaidd y Deyrnas Unedig (dolen gyswllt allanol).

Gall unrhyw un sy’n dymuno cyflwyno apêl yn erbyn penderfyniad i gau sw wneud cais i’r llys ynadon lleol. Rhaid apelio cyn pen 28 diwrnod o’r hysbysiad am benderfyniad yr awdurdod lleol.