Mae Rheoliadau Gwybodaeth Amgylcheddol 2004 yn rhoi i’r cyhoedd hawliau tebyg i'r rhai sydd yn y Ddeddf Rhyddid Gwybodaeth; sy'n hyrwyddo tryloywder a bod yn agored ar draws y sector cyhoeddus.
O dan y rheoliadau hyn, mae gan unrhyw berson hawl gyffredinol i gael mynediad at wybodaeth sydd wedi ei chofnodi a gedwir gennym ni (Cyngor Bwrdeistref Sirol Wrecsam).
Mathau o wybodaeth y mae’r rheoliadau hyn yn eu cwmpasu
Mae gwybodaeth amgylcheddol yn cynnwys gwybodaeth wedi ei chofnodi sydd gennym am:
- Gyflwr elfennau o’r amgylchedd, megis aer, dŵr, pridd, a thir.
- Allyriadau a gollyngiadau, sŵn, ynni, ymbelydredd, gwastraff ac unrhyw sylweddau tebyg eraill (gallwch ddod o hyd i wybodaeth am ansawdd aer ar ein gwefan).
- Mesurau a gweithgareddau megis polisïau, cynlluniau a chytundebau sy'n effeithio neu'n debygol o effeithio ar gyflwr elfennau o’r amgylchedd.
- Adroddiadau a dadansoddiadau cost a budd a dadansoddiadau economaidd a ddefnyddir yn y polisïau, cynlluniau a chytundebau hyn.
- Cyflwr iechyd a diogelwch dynol, llygru'r gadwyn fwyd a safleoedd diwylliannol ac adeiladau.
Costau
O dan y rheoliadau, ni chodir tâl am fynediad i'r canlynol:
- Cofrestrau cyhoeddus
- Rhestrau gwybodaeth amgylcheddol
- Archwiliadau ar safleoedd
Fodd bynnag, ar gyfer pob sefyllfa arall, gellir codi tâl, a benderfynir fesul achos.
Pan ofynnir am gopïau caled o wybodaeth, efallai y byddwn hefyd yn codi tâl am gost postio a llungopïo.
Byddwn yn rhoi gwybod i chi am unrhyw gostau sy'n debygol o fod yn gysylltiedig wrth brosesu eich cais.
Sut mae cyflwyno cais Rheoliadau Gwybodaeth Amgylcheddol?
Gwiriwch yn gyntaf!
Cyn i chi wneud cais, gwiriwch a yw'r wybodaeth eisoes ar gael fel rhan o'n cynllun cyhoeddi.
Gallwch hefyd wirio i weld a ydym wedi derbyn ac ymateb i gais tebyg i'ch un chi trwy'r wefan WhatDoTheyKnow (dolen gyswllt allanol)
Gallwch hefyd wneud cais drwy:
- E-bost - FOI@wrexham.gov.uk
- Post - i’r cyfeiriad ‘Adran Gwybodaeth Gorfforaethol, Cwsmeriaid a Llywodraethu, Neuadd y Dref, Wrecsam LL11 1AY’
- Ffôn - ffoniwch 01978 292000 a gofynnwch i siarad â'r Tîm Gwybodaeth Gorfforaethol.
Gwneud cwyn
Adolygu mewnol
Os ydych yn anhapus â'r ffordd yr ymdriniwyd â'ch cais, gallwch ofyn am adolygiad mewnol o fewn 40 diwrnod gwaith o ddyddiad ein hymateb.
Bydd angen i chi nodi'r rheswm pam eich bod yn anghytuno â'r penderfyniad a wnaed.
E-bostiwch foi@wrexham.gov.uk neu ffoniwch ein switsfwrdd ar 01978 292000 a gofynnwch am siarad â'r Tîm Gwybodaeth Gorfforaethol.
Comisiynydd Gwybodaeth
Os nad ydych yn fodlon ar ganlyniad yr adolygiad mewnol, mae gennych hawl i wneud cais i Swyddfa’r Comisiynydd Gwybodaeth yn uniongyrchol am benderfyniad. Dyma awdurdod annibynnol y DU a sefydlwyd i orfodi’r gyfraith sy'n ymwneud â mynediad y cyhoedd at wybodaeth.