Rydym ni (Cyngor Bwrdeistref Sirol Wrecsam) yn awyddus i benodi 2 aelod lleyg i’n Pwyllgor Safonau.

Gallai’r rôl hon fod yn addas i chi os yw’r rhinweddau canlynol gennych:

• Eich bod yn un da am wrando
• Bod gennych natur chwilfrydig
• Eich bod yn gallu pwyso a mesur tystiolaeth anghyson a dod i gasgliad effeithiol
• Eich bod yn gallu gweithio fel rhan o dîm
• Bod gennych barch at eraill a dealltwriaeth a pharch at werthoedd moesegol cryf
• Eich bod yn onest ac yn rhywun o gymeriad da

Mae'r pwyllgor statudol hwn yn cynnwys 5 aelod annibynnol, 3 chynrychiolydd o’r Cyngor Bwrdeistref Sirol a chynrychiolydd o Gyngor Cymuned. 

Cyfrifoldebau’r pwyllgor

Mae’r Pwyllgor Safonau’n hanfodol i gynnal safonau moesegol uchel ar lefel y Fwrdeistref Sirol a’r Cynghorau Cymuned.

Yn fyr, ei nodau yw cynghori, cynorthwyo ac arwain Aelodau wrth fabwysiadu, arolygu, gweithredu, gorfodi ac adolygu amryw godau ymddygiad lleol a chanllawiau egwyddorol eraill.

Hyd y Swydd

Caiff aelodau annibynnol eu penodi am gyfnod rhwng 4 a 6 blynedd a gallant gael eu penodi am un tymor olynol arall.

Argaeledd

Fel arfer, bydd y Pwyllgor Safonau’n cyfarfod o leiaf bedair gwaith y flwyddyn er y bydd angen i aelodau annibynnol fod ar gael yn hyblyg gan fod y Pwyllgor weithiau’n gorfod cael ei alw i gyfarfodydd heb eu trefnu gydag ond ychydig ddyddiau o rybudd.

Tâl (cydnabyddiaeth ariannol)

Bydd gan yr unigolyn a benodir yr hawl i dâl am roi o’u hamser a gallant hawlio costau teithio o ganlyniad i fynd i gyfarfodydd.  Mae'r tâl yn unol â'r cyfraddau a bennir gan Panel Annibynnol Cymru ar Gydnabyddiaeth Ariannol (dolen gyswllt allanol).

Gwaharddiadau

Yn ôl y gyfraith, ni allwch fod yn aelod annibynnol os ydych:

• ar hyn o bryd yn gynghorydd neu’n swyddog (neu’n gymar neu’n bartner sifil cynghorydd neu swyddog) i Gyngor Bwrdeistref Sirol Wrecsam, nac unrhyw gyngor sir neu gyngor bwrdeistref sirol arall, awdurdod tân, awdurdod parc cenedlaethol na chyngor cymuned/tref
• yn gyn-gynghorydd neu’n swyddog i Gyngor Bwrdeistref Sirol Wrecsam
• yn gyn-gynghorydd neu’n swyddog i unrhyw gyngor sir neu gyngor bwrdeistref sirol, awdurdod tân nac awdurdod parc cenedlaethol tan o leiaf un flwyddyn ar ôl peidio â bod yn gynghorydd/swyddog i’r awdurdod hwnnw.

Mae’r Cyngor wedi cytuno ymhellach na ddylai aelodau annibynnol:     

• fod wedi delio o’r blaen i raddau helaeth gyda’r Cyngor mewn modd a allai danseilio eu gallu i fod yn ddiduedd
• bod â pherthynas agos gydag unrhyw aelod neu swyddog o’r Cyngor

Sut i ymgeisio

Gallwch wneud cais drwy ddefnyddio ein ffurflen gais ar-lein. 

Ymgeisiwch rŵan

Os ydych chi’n cael unrhyw broblemau gyda’r broses ymgeisio cysylltwch â committees@wrexham.gov.uk.