Mae beiciau trydan, sgwteri trydan a byrddau hofran yn berygl tân posibl yn sgil y batris lithiwn-ïon sydd ynddynt.
Y rheswm am hyn ydi os ydi’r batris yn gorgynhesu fe allant ffrwydro neu fynd ar dân gan achosi fflamau sy’n tyfu’n gyflym a mwg eithriadol sydd yn rhyddhau nwyon peryglus allai fod yn niweidiol i chi a’ch eiddo.
Fel landlord, mae sicrhau diogelwch ein deiliaid contract ac eiddo yn bwysig i ni.
Eich cyfrifoldeb fel Deiliaid Contract y Cyngor
Os ydych chi’n rhentu cartref gyda’r Cyngor, ni ddylech chi na’r bobl rydych chi’n gyfrifol amdanynt storio unrhyw beth allai fynd ar dân na ffrwydro yn eich cartref na mewn unrhyw ardal gymunedol. Mae hyn yn cynnwys e-feiciau, e-sgwteri neu gerbydau tebyg sy’n cael eu gwefru â batris.
Sgwteri symudedd
Mae’n rhaid i chi gael caniatâd i storio a chadw sgwteri symudedd mewn eiddo sy’n perthyn i’r Cyngor. Mae hyn hefyd yn berthnasol i Ddeiliaid Contract presennol allai fod eisoes yn berchen ar sgwter symudedd.
Os ydych chi’n rhentu cartref gan y Cyngor, mae’n rhaid i chi gysylltu â’ch swyddfa dai leol i gael cyngor os ydych chi’n berchen ar, neu’n ystyried cael sgwter symudedd.
Fe fyddwn ni’n gofyn i chi lenwi ffurflen gais i gael caniatâd.
Fe fyddwn ni fel arfer yn rhoi caniatâd, ar yr amod y gellir ei storio a’i wefru’n ddiogel.
Ni allwch storio sgwteri symudedd mewn ardaloedd cymunedol megis coridorau, o dan risiau neu mewn lolfeydd cymunedol.