Mae ein gwasanaeth llyfrgell yn darparu llyfrau, adnoddau digidol, gofod astudio, a mynediad at grwpiau a gweithgareddau cymdeithasol ar gyfer pobl o bob oed.
Mae ein canolfannau adnoddau yn darparu gofod ar gyfer grwpiau cymunedol lleol a gweithgareddau.
Rydym yn cydnabod bod llyfrgelloedd a chanolfannau yn gwneud cyfraniad sylweddol i les y rhai sy’n eu defnyddio.
Rhowch gymorth i ni lunio dyfodol llyfrgelloedd a chanolfannau adnoddau cymunedol Wrecsam
Oherwidd toriadau parhaol mewn cyllid gan y llywodraeth, mae rhaid i ni ddod o hyd i £185,000 o leiaf o doriadau i’n Gwasanaethau Llyfrgell a Chanolfannau Adnoddau Cymunedol.
Mae’n rhaid i ni wneud mwy gyda llai yn dilyn dros ddegawd o ostyngiad mewn cyllid yn ogystal â chostau uwch, chwyddiant, cynnydd mewn cyfraddau llog, a mwy o breswylwyr sydd angen ein cefnogaeth.
Felly, mae’n rhaid i ni ailystyried sut yr ydym yn gwneud pethau, ac mae hyn yn cynnwys ystyried ein gwasanaeth llyfrgelloedd a chanolfannau adnoddau cymunedol.
O ddydd Llun 18 Tachwedd byddwn yn lansio ymgynghoriad newydd
Bydd yr ymgynghoriad yn cael ei gynnal rhwng 18 Tachwedd 2024 ac 19 Ionawr 2025, er mwyn caniatáu amser i’r tîm cwsmeriaid, preswylwyr a budd-ddeiliaid i ymateb.
Sut y gallwch chi gymryd rhan?
Yn ogystal â chymryd rhan ar-lein, gallwch hefyd gasglu copïau papur o’n llyfrgelloedd a’n canolfannau adnoddau.
Dweud eich dweud yn bersonol
Gallwch hefyd alw heibio un o’n sioeau teithiol.
Dewch draw yn bersonol i glywed am newidiadau posibl i’r gwasanaethau, rhoi adborth a rhannu eich syniadau fel aelod o’r gymuned leol: