Os yw eich swyddog Dewisiadau Tai yn eich asesu ac yn fodlon eich bod mewn perygl o ddod yn ddigartref o fewn 56 diwrnod, a'ch bod yn gymwys am help, byddwn yn ceisio helpu eich hatal rhag dod yn ddigartref. Gall hyn fod drwy eich helpu...

• I aros yn eich llety cyfredol
• Yn oedi symud allan o’ch llety cyfredol er mwyn caniatáu symud sydd wedi’i gynllunio i lety arall;
• Edrych ar lety arall; a/neu
• Cynnal byw'n annibynnol

Os yw eich Swyddog Dewisiadau Tai yn eich asesu ac yn fodlon eich bod yn ddigartref, a’ch bod yn gymwys am gymorth, mae gofyn i ni eich helpu i sicrhau cartref addas. Gallwn eich helpu drwy ddarparu llety dros dro yn y tymor byr. 

Byddwn wedyn yn ceisio eich helpu i ddod o hyd i lety parhaol, a gall hyn fod mewn ffurf...

• Cynnig llety’r Cyngor i chi
• Eich helpu i sicrhau cynnig parhaol o denantiaeth gyda chymdeithas dai 
• Eich helpu i sicrhau cynnig tenantiaeth yn sector rhentu preifat.

Efallai bydd gennych angen blaenoriaethol am help os ydych...

• Yn ferch beichiog neu yn byw gyda, neu a ddisgwylir i chi’n rhesymol fyw gyda merch beichiog
• Gyda plentyn dibynnol yn byw gyda chi neu a fyddai'n rhesymol disgwyl iddynt fyw gyda chi
• Yn fregus oherwydd rheswm arbennig (fel hŷn, salwch corfforol neu feddyliol, neu anabledd corfforol neu feddyliol)
• Yn ddigartref neu dan fygythiad i ddod yn ddigartref o ganlyniad i argyfwng megis llifogydd, tân neu drychineb arall
• Yn ddigartref o ganlyniad o fod yn destun camdriniaeth domestig.
• Yn 18 oed ond o dan 21 oed, ac mewn perygl penodol o gael eich ecsbloetio’n rhywiol neu’n ariannol, neu eich bod yn gadael y gwasanaeth Gofal
• Wedi gwasanaethu yn y lluoedd arfog rheolaidd ac wedi bod yn ddigartref ers gadael y lluoedd
• Wedi cael eich asesu fel bod gennych gysylltiad gyda Bwrdeistref Sirol Wrecsam, ac wedi eich asesu yn fregus am eich bod wedi cael dedfryd o garchar neu eich remandio i garchar pobl ifanc.

Os ydych yn ddigartref, yn gymwys ac gydag angen blaenoriaethol yna mae’n rhaid i ni wneud siŵr eich bod yn cael cynnig o lety dros dro addas tra ein bod yn cyflawni ymholiadau pellach.

Bydd eich Swyddog Opsiynau Tai yn siarad â chi, ac ar ôl trafod eich sefyllfa yn penderfynu os oes gennych gysylltiad lleol.

Os oes gennych gysylltiad lleol gydag ardal Cyngor arall, ond heb gysylltiad lleol gyda Wrecsam, efallai y byddwn yn cyfeirio eich cais digartrefedd i’r Cyngor arall.

Fodd bynnag, os nad oes gennych unrhyw gysylltiad lleol yn unlle, ac yn gofyn i ni am help, yna efallai yr ystyrir rhoi cymorth i chi/ cymryd cyfrifoldeb drosoch chi.

Yn ddibynnol ar ein penderfyniad, efallai bydd gennych hawl am lety dros dro neu barhaol.

Efallai y cewch eich ystyried yn fwriadol digartref os ydych yn gadael neu wedi cael eich gorfodi i adael llety y byddech wedi disgwyl i aros yno, ond mi wnaethoch chi adael o ganlyniad i rywbeth y gwnaethoch chi neu wnaethoch chi fethu ei wneud.  Mae hyn yn cynnwys os:

• Gwnaethoch roi gorau i'r llety yn wirfoddol, naill yn y DU neu dramor, a byddai wedi cael ei ystyried yn rhesymol i chi barhau i fyw yno; 
• Yn cael eich troi allan am ôl-ddyledion neu forgais, mewn amgylchiadau lle nad oes rheswm da am beidio â thalu;
• Yn cael eich troi allan am ymddygiad gwrthgymdeithasol, megis aflonyddu neu delio â chyffuriau;
• Dewis gwerthu eich cartref heb reswm da;
• Dewis rhoi gorau i weithio, a oedd yn cynnwys llety, heb reswm da

Os y cewch yn gymwys ac yn angen blaenoriaethol, ond yn fwriadol digartref, efallai byddwn yn gallu darparu llety dros dro i roi cyfle rhesymol i chi i sicrhau llety i chi eich hunain, a rhoi cyngor os bydd angen.     

Os ydych yn gymwys am gymorth, yn ddigartref ac chyda angen blaenoriaethol, mae gennym ddyletswydd i ddarparu llety dros dro i chi.

Os ydych yn anfwriadol ddigartref, gydag angen blaenoriaethol a chyda cysylltiad lleol gyda Chyngor Bwrdeistref Wrecsam, mae gennym ddyletswydd i ddarparu llety dros dro.

Mewn achosion penodol, efallai byddwn hefyd yn gallu darparu llety dros dro tra bydd Swyddogion Dewisiadau Tai yn parhau i asesu eich cais ( i benderfynu os ydych yn ddigartref, yn gymwys am gymorth a gydag angen blaenoriaethol).

Os ydych ag angen blaenoriaethol, efallai cewch lety dros dro tra byddwn yn edrych ar eich achos ymhellach.

Gallai llety dros dro fod yn...

• Llety dros dro gan y Cyngor
• Gwely a Brecwast
• Llety mewn Hostel
• Llety a Rennir

Tra ein bod yn cynorthwyo i ddarparu llety dros dro, gallai ein dyletswydd i ddarparu hyn ddod i ben os ydych yn torri cytundeb y cynllun tai a roddir i chi (efallai cewch hysbysiad i adael y llety).

Os ydym yn canfod nad oes gennych angen blaenoriaethol, nid oes gennym ddyletswydd cyfreithiol i ddarparu llety dros dro i chi. Cewch wybod am y penderfyniad hwn yn ysgrifenedig a byddwn yn cynnig cyngor/ cymorth i geisio eich helpu i ddod o hyd i lety eich hun.

Tra y gallwn ddarparu llety dros dro i atal neu wella digartrefedd yn y tymor byr, lle bo’n briodol gallwn eich helpu i ddod o hyd i lety parhaol addas. 
Gall lety parhaol fod yn ffurf...

• Tenantiaeth cyngor parhaol
• Tenantiaeth cymdeithas tai parhaol
• Tenantiaeth Sector Rhentu Preifat

Bydd ein dyletswydd i chi yn dod i ben os ydych: 

• Yn derbyn cynnig am denantiaeth parhaol gan y Cyngor;
• Yn derbyn cynnig am denantiaeth parhaol gyda chymdeithas dai
• Yn derbyn cynnig am denantiaeth gyda sector rhentu preifat
• Yn gwrthod cynnig o lety addas  

Fodd bynnag, mae gennych hawl i apelio o fewn 21 diwrnod os ydych yn anghytuno gydag addasrwydd y llety a gynigir i chi.

Tra ein bod yn asesu addasrwydd y cynnig, efallai gallwn barhau i ddarparu llety dros dro i chi.

Os cewch denantiaeth ar sail unrhyw wybodaeth ffug neu gamarweiniol yr ydych wedi’i ddarparu, gallwn gymryd camau cyfreithiol i ddod â'r tenantiaeth i ben.

Os nad ydych yn gymwys i gael eich ailgartrefu drwyddo ni, gallwn dal roi cyngor i chi ynghylch beth allwch wneud nesaf a'ch cyfeirio at sefydliadau eraill a all eich helpu.