Mae gennych hawl i wneud cais am adolygiad o'n penderfyniad, os ydym wedi penderfynu:

  • Nad ydych yn ddigartref
  • Nad ydych yn gymwys i dderbyn cymorth 
  • Nad ydych yn angen blaenoriaethol
  • Eich bod yn fwriadol ddigartref
  • Nad oes gennych gysylltiad lleol

Hefyd gallwch apelio os ydym wedi penderfynu atgyfeirio eich cais i awdurdod lleol arall, neu eich bod yn anghytuno ag addasrwydd cynnig llety.

Sut i wneud cais am adolygiad

Mae’n rhaid gwneud cais am adolygiad o unrhyw benderfyniad o fewn 21 diwrnod o ddyddiad y cawsoch y penderfyniad. Gallwch wneud cais am adolygiad drwy naill ai anfon e-bost at HousingOptionsTeam@wrexham.gov.uk, drwy ffonio 01978 292947, neu ysgrifennu at ‘Gwasanaethau Tai, Ffordd Rhuthun, Wrecsam, LL13 7TU’.

Gofynnir i chi nodi yn glir eich rhesymau am wneud cais am adolygiad yn ysgrifenedig a chewch wybod am y weithdrefn apelio.  Os ydych yn credu y byddwch angen cymorth gyda’r broses hon, gallwch gysylltu â naill ai Shelter, Canolfan Cyngor Ar Bopeth neu gyfreithiwr o'ch dewis eich hun.

Shelter (dolen gyswllt allanol)
Gwasanaeth Cyngor ar Bopeth (dolen gyswllt allanol)

Pan fyddwn yn adolygu penderfyniad, byddwn yn ystyried unrhyw wybodaeth a gyflwynwyd gennych chi neu ar eich rhan.

Os ydych yn methu â chyflwyno gwybodaeth manwl ychwanegol, bydd y penderfyniad yn cael ei adolygu ar sail yr holl wybodaeth a ddarparwyd eisoes.

Fel arfer mae'n rhaid i ni ddod i benderfyniad o fewn wyth wythnos o ddyddiad eich cais.