Gallwch chi weld y rhaglen hyfforddi yn y cyfeiriadur hwn a drefnwyd rhwng Ebrill 2024 a Mawrth 2025.
Gweithdrefnau cyrsiau hyfforddi
Sylwch:
- Mae costau a dyddiadau cyrsiau ar gael yn y cyfeiriadur hyfforddiant .
- Rydym yn rhoi cymhorthdal sylweddol ar gyfer hyfforddiant sy’n y cyfeiriadur. Rydym ni wedi gallu gwneud hyn ar gyfer y cyrsiau canlynol o ganlyniad i’r cyllid gan Lywodraeth Cymru tan ddiwedd Hydref 2024. Ni allwn warantu y byddwn ni’n gallu cynnig cyrsiau ar ôl hyn ar y gyfradd ostyngol hon.
- Cyn archebu lle ar y cwrs, gwnewch yn siŵr eich bod wedi darllen cynnwys y cwrs ac yn siŵr y bydd y cwrs yn bodloni eich anghenion hyfforddi a’ch bod yn gallu bodloni’r gofynion mynediad.
- Os yw’r ffurflen archebu yn cael ei chwblhau gan gyflogwr yn hytrach na’r ymgeisydd a enwyd, yna cyfrifoldeb y cyflogwr yw sicrhau bod yr ymgeisydd yn addas ar gyfer y cwrs a bod gwybodaeth y cwrs yn cael ei rhannu gyda’r ymgeisydd.
- 2 aelod o staff yn unig sy’n cael archebu lle ar bob cwrs. Os hoffech chi archebu lle ar gwrs i fwy o aelodau o staff, gofynnwch i’r staff gael eu rhoi ar ein rhestr aros. Os oes lleoedd ar gael, byddwn ni’n cysylltu â chi i gynnig lle i chi.
- Gellir archebu lle drwy anfon e-bost i’r childcaretraining@wrexham.gov.uk. Y dull a ffefrir gennym ar gyfer archebu a thalu yw drwy ein system talu ar-lein. Sylwer nad yw’r derbyniad taliad yn gadarnhad o’ch archeb.
- Wrth archebu lle ar y cyrsiau canlynol, os na wneir taliad o fewn 5 diwrnod gwaith, byddwch chi’n colli’r lle ar y cwrs.
- Mae'r cyrsiau yn boblogaidd iawn felly cofiwch archebu mewn da bryd. Bydd archebu lle yn digwydd ar sail y cyntaf i’r felin ac yn amodol ar dderbyn taliad.
- Byddwn yn cysylltu â chi ynglŷn â newidiadau i'r cyfeiriadur, cyrsiau newydd ac unrhyw newidiadau i'r cyrsiau a gynlluniwyd drwy E-fwletinau a’n tudalen Facebook. Os nad ydych eisoes yn derbyn yr e-fwletinau hyn, bydd yn rhaid i chi gofrestru.
Rhowch eich cyfeiriad e-bost, dewis cyflwyno ac yna dewis ‘Gwybodaeth am y Tîm Gofal Plant’ o’r dewisiadau ‘Plant a Phobl Ifanc’ ac yna cyflwyno i gael diweddariadau gennym ni yn uniongyrchol i’ch mewnflwch.
Archebu cwrs hyfforddi
Mae’r cyrsiau canlynol yn gymysgedd o hyfforddiant personol ac ar-lein drwy Zoom. Gweler cyrsiau unigol am wybodaeth bellach.
Yn ddarostyngedig i’r galw a’r nifer sy’n cymryd rhan, efallai y byddwn yn ychwanegu at y cyrsiau hyn o dro i dro. Bydd diweddariadau yn cael eu hanfon yn yr e-fwletinau misol ac ar ein tudalen Facebook.