Mae’n bosibl y bydd plant sy’n ymwneud â’r mathau canlynol o adloniant angen trwydded perfformiad a hebryngwr trwyddedig:
- Teledu
- ffilm
- theatr
- modelu
- sioeau dawns
- panto
- dramâu amatur
- grwpiau cerddoriaeth
- chwaraeon am dâl (proffesiynol neu amatur)
Os bydd plentyn yn ymwneud â pherfformiad neu ddigwyddiad sydd angen trwydded perfformio yna mae’n rhaid iddynt gael eu goruchwylio gan warchodwr a gymeradwyir gan y cyngor - oni bai eu bod yng ngofal eu rhiant, gwarchodwr cyfreithiol neu mewn rhai amgylchiadau, athro/athrawes.
Mae’n ofynnol yn gyfreithiol i chi gael trwydded pan fydd angen un ac mae’n rhaid i chi ymgeisio am drwydded hebryngwr o leiaf 6 wythnos cyn dyddiad y perfformiad.
Gall unrhyw un sy’n achosi neu’n trefnu i unrhyw blentyn wneud unrhyw beth sy’n torri deddfwriaeth trwyddedu gael ei erlyn (pa un a yw plentyn yn perfformio o dan y drwydded ai peidio, mae’r un ddyletswydd gofal yn berthnasol).
Dyletswydd gyntaf hebryngwr yw’r plentyn yn ei ofal. Mae’n gyfrifol am ddiogelu, cefnogi a hyrwyddo lles y plentyn, ac ni ddylai ymgymryd ag unrhyw weithgaredd a fyddai’n ymyrryd a’i ddyletswyddau.
Hyfforddiant
Disgwyliwn i chi fod wedi cwblhau hyfforddiant diogelu a hyfforddiant hebryngwr cyn gwneud cais am drwydded. Mae’r Gymdeithas Genedlaethol er Atal Creulondeb i Blant (NSPCC) yn cynnig hyfforddiant hebryngwr ar-lein. Nid ydym ni (Cyngor Wrecsam) yn cynnig yr hyfforddiant hwn, ac fel ymgeisydd, bydd angen i chi dalu’r holl gostau cysylltiedig.
Y broses gofrestru
Er mwyn cofrestru fel hebryngwr yn Wrecsam mae’n rhaid i chi:
- lenwi’r ffurflen gais
- ddarparu un llun maint pasbort
- fynd i gyfweliad
- ddarparu argymhellion boddhaol gan ddau ganolwr
- ddal tystysgrif Gwasanaeth Datgelu a Gwahardd manwl a gyhoeddwyd o fewn y 3 blynedd ddiwethaf
- mynychu cwrs hyfforddi a diogelu gorfodol ar gyfer hebryngwr
- ddarparu prawf eich bod wedi cwblhau cwrs hyfforddiant hebryngwr a chwrs diogelu
Ymgeisio am drwydded hebryngwr
Gellir codi ffi am wneud cais, a bydd hyn yn cael ei drafod pan fyddwch yn cysylltu â ni.
Canllawiau pellach
Cysylltu â’n tîm cyflogi plant
Os oes gennych unrhyw gwestiynau, gallwch anfon e-bost at child_employment@wrexham.gov.uk.