Mae’r gronfa hon yn un o chwe Cronfa Allweddol Ffyniant Gyffredin y DU sydd ar gael ym Mwrdeistref Sirol Wrecsam. Mae’r cyllid ar gyfer y grant hwn yn cael ei ddarparu gan Lywodraeth y DU drwy Gronfa Ffyniant Gyffredin y DU. 

Gall y gronfa hon helpu i wneud gwahaniaeth yn eich cymuned leol. Mae’r cynllun yn cynnig rhwng £2,000 a  £125,000 o gyllid i gefnogi prosiectau a fydd yn:  

• Rhoi hwb i sgiliau craidd a chefnogi oedolion i ddatblygu yn eu gwaith, trwy dargedu oedolion sydd heb unrhyw gymwysterau neu sgiliau neu rai lefel isel mewn mathemateg, ac uwchsgilio’r boblogaeth weithio, drwy annog dulliau arloesol i leihau rhwystrau dysgu i oedolion.  
• Gostwng lefelau o anweithgarwch economaidd trwy fuddsoddiad mewn cefnogaeth bywyd a chyflogaeth ddwys bwrpasol wedi ei theilwra i angen lleol.
• Llenwi bylchau mewn darpariaeth sgiliau lleol i gefnogi pobl i symud ymlaen mewn gwaith, ac ychwanegu at ddarpariaeth sgiliau TG oedolion lleol (er enghraifft trwy gynnig darpariaeth trwy ystod eang o ffyrdd neu alluogi darpariaeth fwy dwys/arloesol, yn seiliedig ar gymhwyster ac nad yw’n seiliedig ar gymhwyster.)

Dylai’r prosiectau fod yn ychwanegol at y ddarpariaeth sydd ar gael drwy raglenni cyflogaeth a sgiliau cenedlaethol.  

Pwy all wneud cais?

• sefydliadau gwirfoddol neu gymunedol sefydledig
• elusennau cofrestredig
• grwpiau neu glybiau sefydledig
• cwmnïau nid er elw neu gwmnïau buddiannau cymunedol (mentrau cymdeithasol)
• ysgolion (cyn belled bod eich prosiect er budd ac yn cynnwys y gymuned leol)
• cyrff statudol (gan gynnwys cynghorau tref, plwyf a chymuned)
• cyrff cyhoeddus

Ar beth fyddwch yn gwario’r arian?

• offer
• digwyddiadau untro
• costau staff sy’n gysylltiedig â’r prosiect
• costau hyfforddi
• cludiant sy’n gysylltiedig â’r prosiect  
• costau cynnal neu gyfleustodau sy’n gysylltiedig â’r prosiect  
• treuliau gwirfoddolwyr
• costau ar gyfer darparu eich prosiect yn ddwyieithog megis costau cyfieithu
• prosiectau tir neu adeiladau bach
• ailwampio adeiladau

Beth na ellir ei ariannu

• Prosiectau gyda’r prif nod o gynhyrchu incwm i’ch sefydliad (mae’r gronfa allweddol grant busnes ar gael ar gyfer prosiectau fel hyn)
• costau wrth gefn, benthyciadau, cyfraniadau neu log
• gweithgareddau crefyddol
• gweithgareddau i godi arian neu wneud elw
• TAW y gallwch ei adennill
• gweithgareddau statudol
• teithio dramor
• alcohol

Sut i ymgeisio

Bydd ceisiadau am gyllid yn dilyn proses dau gam:

Cam 1

Dylid cyflwyno Datganiad o Ddiddordeb i amlinellu eich prosiect a fydd yn ein galluogi i wirio p’un a yw eich sefydliad a’ch prosiect arfaethedig yn gymwys i wneud cais i’r gronfa allweddol hon.

Bydd yn rhaid i chi gofrestru am gyfrif ar gyfer eich sefydliad ar FyNghyfrif er mwyn gallu gwneud hyn.  

Cam 2

Ar ôl cyflwyno Datganiad o Ddiddordeb, byddwn yn asesu p’un a yw eich sefydliad a’ch prosiect yn gymwys i ymgeisio am y gronfa allweddol.  

Os bydd eich cais yn gymwys, byddwch yn derbyn e-bost gyda dolen i’r ffurflen gais lawn.   Darperir y ffurflen drwy FyNghyfrif, sy’n caniatáu i chi gadw unrhyw gynnydd, uwchlwytho tystiolaeth a pharatoi eich cais llawn i’w gyflwyno.  

Unwaith y byddwn wedi derbyn y ceisiadau llawn, y camau nesaf fydd:

1. Bydd y tîm perthnasol yn gwerthuso’r cais llawn.
2. Byddwn yn ceisio barn gan fudd-ddeiliaid perthnasol.
3. Bydd y Panel Ymgynghorol Lleol yn asesu ac yn blaenoriaethu’r prosiect, ac yna’n cymeradwyo neu’n gwrthod y cais llawn.  
4. Bydd pob ymgeisydd yn cael eu hysbysu o’r penderfyniad.
5. Byddwn yn cyflwyno cytundebau cyllid grant ffurfiol ar gyfer ceisiadau llwyddiannus.  

Drwy gyflwyno cais llawn, rydych yn caniatáu i ni (Cyngor Wrecsam) wneud unrhyw ymholiadau hanfodol i wirio unrhyw wybodaeth sydd ei hangen ar gyfer gweinyddu rhaglen Cronfa Ffyniant Gyffredin y DU.  Mae’n bosibl y bydd y wybodaeth rydych yn ei darparu’n cael ei rhannu gydag eraill fel y nodir yn Hysbysiad Preifatrwydd Cronfa Allweddol Wrecsam.  

Terfynau amser a’r amserlen ar gyfer ceisiadau  

Mae’r cais cychwynnol (cam 1- y Datganiad of ddiddordeb) i’w gyflwyno erbyn 5pm, Dydd Mercher Awst 7, 2024.

Unwaith y bydd yr holl geisiadau wedi eu hasesu, bydd gan brosiectau llwyddiannus 5 diwrnod gwaith I gyflwyno cais llawn.

Fe all cyfleoedd i gyflwyno cynigion ar gyfer y dyfodol gael eu hagor os oes cyllid yn dal ar gael.

Sut caiff ceisiadau eu hasesu?

Caiff ceisiadau llawn eu hasesu ar sail y cyntaf i’r felin a’u hystyried o ran:  

• cymhwysedd
• gwerth am arian yn seiliedig ar allbynnau / canlyniadau i’w cyflawni ac yn unol â nodau ac amcanion y cynllun