Mae’r gronfa hon yn un o chwe Cronfa Allweddol Ffyniant Gyffredin y DU sydd ar gael ym Mwrdeistref Sirol Wrecsam. Mae’r cyllid ar gyfer y grant hwn yn cael ei ddarparu gan Lywodraeth y DU drwy Gronfa Ffyniant Gyffredin y DU. 

Amcan cyffredinol y gronfa hon yw cynyddu lefelau rhifedd ymarferol ymysg oedolion ledled y DU. 

Gall y cyllid hwn helpu i wneud gwahaniaeth yn eich cymuned leol.  Mae’r cynllun yn cynnig gwerth rhwng £10,000 a £200,000 o gyllid i gefnogi prosiectau a fydd yn arwain at:  

1. Fwy o oedolion yn ennill cymwysterau mathemateg / cymryd rhan mewn cyrsiau rhifedd (hyd at, ac yn cynnwys, Lefel 2 / SCQF Lefel 5).
2. Canlyniadau gwell i’r farchnad lafur e.e. llai o fylchau sgiliau rhifedd yn cael eu hadrodd gan gyflogwyr, a chynnydd yn y gyfran o oedolion sy’n mynd ymlaen i gyflogaeth gynaliadwy ac / neu addysg.
3. Cynyddu rhifedd oedolion ar draws y boblogaeth - mae hyn yn effaith gyffredinol sy’n mynd y tu hwnt i gyflawni tystysgrifau neu gymwysterau. Bydd hyn yn olrhain y gwahaniaeth canfyddedig a gwirioneddol y mae cymryd rhan yn y rhaglen yn ei wneud wrth gefnogi dysgwyr i wella eu dealltwriaeth a’u defnydd o fathemateg yn eu bywydau bob dydd, yn y cartref ac yn y gwaith – a theimlo’n fwy hyderus wrth wneud hynny.

Pwy fydd yn gorfod elwa o’r prosiect?

Oedolion 19 oed+ nad ydynt wedi ennill cymhwyster mathemateg Lefel 2/SCQF Lefel 5 neu uwch (cyfwerth â TGAU Gradd C/4) yn flaenorol. 

Gallent fod naill ai’n gweithio tuag at Gymhwyster Lefel 2 / SCQF Lefel 5 neu Gymhwyster Sgiliau Ymarferol, bod angen sgiliau rhifedd penodol arnynt ar gyfer eu gwaith neu ddatblygiad, neu eu bod yn dymuno gwella eu sgiliau i’w helpu i symud ymlaen mewn bywyd a gwaith.

Pwy all wneud cais?

• Awdurdodau lleol  
• sefydliadau’r sector cyhoeddus 
• sefydliadau addysg uwch ac addysg bellach 
• cwmnïau’r sector preifat 
• sefydliadau cymunedol / nid er elw/ gwirfoddol sefydledig/ mentrau cymdeithasol
• clybiau / grwpiau cymunedol sefydledig  
• elusennau cofrestredig. 

Ar beth allwch chi wario’r arian

• costau staff sy’n gysylltiedig â’r prosiect 
• costau hyfforddi 
• cludiant sy’n gysylltiedig â’r prosiect  
• costau cynnal neu gyfleustodau sy’n gysylltiedig â’r prosiect 
• llogi ystafell 
• costau tiwtor
• treuliau gwirfoddolwyr
• costau gweinyddol
• marchnata
• creu astudiaeth achos 
• pecynnau adnoddau 
• costau ar gyfer darparu eich prosiect yn ddwyieithog megis costau cyfieithu 

Beth na allwn ei ariannu

• lobïo a delir amdano, diddanu, deisebu neu herio penderfyniadau - sy’n golygu defnyddio’r gronfa i lobïo (drwy gwmni allanol neu staff mewnol) er mwyn cynnal gweithgareddau sydd â’r bwriad o ddylanwadu neu geisio dylanwadu ar y Senedd, llywodraeth neu weithgarwch gwleidyddol; gan gynnwys derbyn cyllid o Gronfa Ffyniant Gyffredin y DU; neu geisio dylanwadu ar ddeddfwriaeth neu gam gweithredu rheoleiddiol
• taliadau ar gyfer gweithgareddau o natur wleidyddol neu o natur grefyddol yn unig
• TAW y mae modd ei adennill gan Gyllid a Thollau Ei Fawrhydi
• rhoddion, neu daliadau am anrhegion neu roddion 
• dirwyon statudol, dirwyon troseddol neu gosbau 
• talu am waith neu weithgarwch y mae gan yr awdurdod lleol arweiniol, cyflawnwr y prosiect, buddiolwr ar y diwedd neu unrhyw aelod o’u partneriaeth ddyletswydd statudol i’w gynnal neu a gaiff ei ariannu’n llawn gan ffynonellau eraill  
• gweithgareddau statudol 
• arian at raid a dyledion digwyddiadol, benthyciadau, gwaddol neu log
• buddrannau
• drwgddyledion, costau o ganlyniad i ohirio taliadau i gredydwyr, neu ddirwyn cwmni i ben
• treuliau mewn perthynas ag ymgyfreithiad, diswyddo annheg neu iawndal arall  
• costau a ysgwyddir gan unigolion wrth sefydlu a chyfrannu at gynlluniau pensiwn preifat 
• alcohol
• gweithgareddau i godi arian neu wneud elw teithio dramor

Sut i ymgeisio

Bydd ceisiadau am gyllid yn dilyn proses un gam: 

Bydd yn rhaid i chi gofrestru am gyfrif ar gyfer eich sefydliad drwy FyNghyfrif i allu gwneud cais.

Darperir ffurflen gais trwy FyNghyfrif, sy’n eich galluogi i arbed cynnydd, lanlwytho tystiolaeth a chyflwyno'ch cais llawn.

Mae ceisiadau am y grant hwn ar gau ar hyn o bryd. Mae’n bosib y gellir gwneud ceisiadau am y grant eto pe daw unrhyw arian ar gael i'w ailddyrannu.