Mae’r Gronfa hon yn un o bedair Cronfa Allweddol Ffyniant Gyffredin y DU sydd ar gael ym Mwrdeistref Sirol Wrecsam. Gallwch ddod o hyd i ragor o ganllawiau ar gyfer y grant hwn. 

Mae hwn yn gynllun grant dewisol a fydd yn aros ar agor tan 1 Medi 2024 (neu tan fydd y gronfa wedi’i hymrwymo’n llawn). 

Bydd y cynllun grant yn rhedeg fel a ganlyn, tra bod cyllid yn dal ar gael: 

  1. Bydd ymgeiswyr arfaethedig yn gallu cyflwyno Datganiad o Ddiddordeb. 
  2. Bydd y Datganiadau o Ddiddordeb yn cael eu hadolygu a’u hasesu yn y drefn y byddant yn dod i law ein tîm Busnes a Buddsoddi. 
  3. Yn amodol ar Ddatganiad o Ddiddordeb llwyddiannus, caiff gwahoddiad ei gynnig i gyflwyno cais llawn cyn pen 21 diwrnod gwaith o roi’r gwahoddiad.
  4. Bydd ein tîm Busnes a Buddsoddi yn cwblhau adolygiadau cais llawn, asesiadau a gwiriadau diwydrwydd dyladwy. 
  5. Caiff ceisiadau addas eu hystyried gan banel grant yn amodol ar gyllid sydd ar gael.
  6. Bydd ymgeiswyr llwyddiannus yn cael e-bost cynnig grant, a fydd angen iddynt ei dderbyn. 
  7. Ar ôl derbyn cynnig grant; bydd ymgeiswyr yn cael cymeradwyaeth i ddechrau gweithgarwch y prosiect a ffurflen hawlio grant y mae’n rhaid ei chyflwyno ar ôl cwblhau’r prosiect.  Bydd angen cyflwyno hon (erbyn 31 Hydref 2024 fan bellaf) i gyflwyno tystiolaeth ddigonol o’r allbynnau a darpariaeth y prosiect, er mwyn hawlio’r grant.  
  8. Rhoddir grant yn amodol ar gwblhau'r prosiect y cytunwyd arno a chyflawni a chyflwyno tystiolaeth ddigonol o'r allbynnau cytunedig erbyn 31 Hydref 2024 fan bellaf (gan fodloni’r amodau a thelerau hefyd). 

Caiff Datganiadau o Ddiddordeb eu hasesu ar sail y cyntaf i’r felin. Caiff gwahoddiadau i lenwi cais llawn a chynigion grant eu gwneud (yn y drefn y daw Datganiadau o Ddiddordeb i law) ar sail cyllid sydd ar gael, cymhwysedd a gwerth am arian.

Unwaith byddwch wedi gwirio’r holl ganllawiau ar gyfer y grant hwn gallwch gyflwyno cais Datganiad o Ddiddordeb (oni bai bod yn rhaid i ni oedi neu gau’r ceisiadau Datganiad o Ddiddordeb oherwydd galw sylweddol). 

Os byddwch yn cael gwahoddiad i gwblhau cais llawn bydd gofyn i chi wirio’r canllawiau cais llawn yn gyntaf.