Mae’r gronfa hon yn un o chwe Cronfa Allweddol Ffyniant Gyffredin y DU sydd ar gael ym Mwrdeistref Sirol Wrecsam

Gallwch ddod o hyd i ragor o ganllawiau ar gyfer y grant hwn a chyflwyno datganiad o ddiddordeb.

Cymhwysedd ar gyfer mentrau

Gall mentrau bach a chanolig (BBaCh) ariannol hyfyw nad ydynt wedi dechrau eto a sydd eisoes yn bod sy’n cynhyrchu refeniw o weithgarwch busnes, wneud cais am grant hyd at 50% (yn amrywio o £3,000 i £50,000), a ellir ei ddefnyddio i gefnogi prosiect cyfalaf a / neu wariant refeniw arbenigol cymwys. 

Diffiniad y DU o BBaCh yw menter â llai na 250 o staff, trosiant o lai na £36 miliwn y flwyddyn neu gyfanswm o lai na £18 miliwn ar y fantolen.

Mae’n rhaid i’r mentrau gael eu rhedeg o gyfeiriad sydd o fewn Bwrdeistref Sirol Wrecsam. 

Mae’n rhaid i’r fenter gael y modd (un ai trwy ei arian ei hun neu gronfeydd eraill) i ariannu costau’r prosiect yn llawn i ddechrau. Bydd angen i chi roi tystiolaeth o hyn fel rhan o’r broses ymgeisio. Ni all y fenter ddefnyddio unrhyw ffynonellau eraill o gyllid grant tuag at gostau’r prosiect.

Bydd angen i ymgeiswyr llwyddiannus (sy’n derbyn cynnig grant), gyflwyno ffurflen hawlio grant (erbyn 31 Hydref 2024 fan bellaf). Bydd angen i’r ffurflen hawlio gynnwys digon o dystiolaeth fod yr allbynnau a gytunwyd arnynt wedi cael eu bodloni a bod y prosiect wedi’i gwblhau yn unol â’r amodau a thelerau.  

Bydd angen i’r holl ofynion cyfreithiol statudol perthnasol, cydsyniadau a chymeradwyaethau fod ar waith ar gyfer mentrau sydd eisoes yn bod, yn ogystal â lefelau priodol o sicrwydd yswiriant. Bydd angen i fentrau nad ydynt wedi dechrau eto sicrhau bod y rhain ar waith pan fyddant yn dechrau masnachu. 

Ni roddir mwy nag un grant i un fenter. 

Sectorau nad ydynt yn gymwys

Nid yw mentrau o fewn y sectorau canlynol yn gymwys am gefnogaeth:  

  • Glo / mwyngloddio mwynau / echdynnu tanwydd ffosil
  • Gweithgynhyrchu dur
  • Adeiladu llongau 
  • Banciau 
  • Cwmnïau yswiriant 
  • Tai 
  • Addysg statudol 
  • Gwasanaethau iechyd 
  • Pysgodfeydd / dyframaeth / amaethyddiaeth / coedwigaeth
  • Pleidiau gwleidyddol 
  • Gweithgareddau o natur hynod grefyddol 
  • Gamblo
  • Pornograffi
  • Gweithgareddau rhywiol o unrhyw fath

Gwariant cymwys

Gall Grant Busnes Wrecsam helpu i ariannu gwariant cyfalaf a / neu refeniw arbenigol cymwys (heb gynnwys costau rhedeg parhaus).  Gall hwn gynnwys:

Gwariant cyfalaf

  • Peiriannau a chyfarpar  
  • Cerbydau ffatri fel wagenni fforch godi, telehandler, cloddwyr
  • Caledwedd TG a thelecom (os yw wedi’i gysylltu’n uniongyrchol â darpariaeth y prosiect)  
  • Deunyddiau marchnata / gwefannau

Caniateir prynu offer ail-law yn amodol ar fodloni pob un o’r amodau canlynol:

  • Mae’r gwerthwr yn gallu darparu datganiad o darddiad yr offer, neu’n gallu rhoi tystiolaeth o’r pryniant gwreiddiol 
  • Nid yw pris yr offer yn fwy na’i werth ar y farchnad 
  • Mae pris yr offer yn llai na chost offer newydd tebyg 
  • Mae gan yr offer y nodweddion technegol sydd eu hangen ar gyfer gweithredu ac yn cydymffurfio â’r safonau perthnasol, fel iechyd a diogelwch

Gwariant refeniw arbenigol 

  • Hyfforddiant arbenigol/ technegol (nid o anghenraid wedi’i achredu) gan ddarparwr cydnabyddedig a chymwys (a asesir ar sail achos wrth achos) 
  • Comisiynu / gosod peiriannau 
  • Meddalwedd arbenigol 
  • Creu gwefannau, e-fasnach / siopau ar-lein, apiau
  • Hysbysebu fel rhan o gynllun marchnata llawn (wedi’i asesu ar sail achos wrth achos) 
  • Ymgynghorwyr Arbenigol (wedi’i asesu ar sail achos wrth achos) 
  • Ardystiad Sicrhau Ansawdd (wedi’i asesu ar sail achos wrth achos) 
  • Costau sy’n gysylltiedig â darparu / gosod unrhyw offer cyfalaf 

Gwariant anghymwys

Ni ellir defnyddio’r grant ar gyfer unrhyw un o’r dibenion canlynol:

  • Unrhyw ran o brosiect a gwblhawyd gan yr ymgeisydd arweiniol neu’r fenter ei hun (p’un a ydynt mewn perchnogaeth lwyr neu’n rhannol) - mae’n rhaid i’r holl waith prosiect gael ei gwblhau gan bartïon/busnesau allanol
  • Unrhyw wariant cyn i chi dderbyn y cynnig grant, gan na ellir dyfarnu’r grant yn ôl-weithredol 
  • Unrhyw wariant lle mae ymrwymiad i brynu wedi’i wneud cyn derbyn y cynnig grant 
  • Unrhyw bryniadau ag arian parod
  • Gwariant refeniw cyffredinol fel costau staff neu unrhyw drethi eraill 
  • Costau atgyweirio, cynnal a chadw ac addurno 
  • Prynu cerbydau ffordd
  • Costau cyfalaf gweithio fel stoc, rhent, cyfraddau, gweinyddu 
  • Aelodaeth a chysylltiad â chyrff llywodraethu 
  • Costau gwaith sy’n cael ei wneud fel gofyniad statudol cyfreithiol, yn cynnwys caniatâd cynllunio
  • Astudiaethau dichonolrwydd
  • Prosiect a nodwyd o ganlyniad i astudiaeth ddichonoldeb ail-ddefnyddio safleoedd neu eiddo, lle mae cymorth grant yn cael ei geisio 
  • Os yw’r fenter wedi cofrestru at ddibenion TAW, yna ni fydd costau TAW yn gymwys (bydd costau TAW yn daladwy mewn achosion o fentrau nad ydynt wedi cofrestru at ddibenion TAW) 
  • Eitemau a brynwyd trwy gardiau credyd neu bryniant prydlesu, hurbwrcas, cytundebau credyd estynedig / prydlesau ariannol
  • Ffioedd proffesiynol ar gyfer ymgynghorwyr busnes cyffredinol yn cynnwys cynlluniau busnes, ysgrifennu cynigion / unrhyw ffioedd sy’n ymwneud â chwblhau cais at ddibenion grant  
  • Prynu tir a / neu eiddo  
  • Llety preswyl 
  • Lobio, diddanu, deisebu neu benderfyniadau heriol a thelir amdanynt - sy’n golygu defnyddio’r gronfa (drwy gwmni allanol neu staff mewnol) er mwyn cynnal gweithgareddau i ddylanwadu neu geisio dylanwadu ar y senedd, llywodraeth neu weithgarwch gwleidyddol; neu geisio dylanwadu deddfwriaeth neu gam gweithredu rheoleiddiol
  • Rhoddion, neu daliadau am anrhegion neu roddion 
  • Dirwyon statudol, dirwyon troseddol neu gosbau 
  • Unrhyw weithgaredd y mae gan fenter ddyletswydd statudol i ymgymryd ag ef
  • Cynlluniau wrth gefn a dyledion digwyddiadol
  • Rhandaliadau 
  • Drwgddyledion, costau o ganlyniad i ohirio taliadau i gredydwyr, neu ddirwyn cwmni i ben
  • Treuliau mewn perthynas ag ymgyfreithiad, diswyddo annheg neu iawndal arall  
  • Costau a gyfyd mewn sefydlu a chyfrannu tuag at gynlluniau pensiwn preifat
  • Gweithgarwch busnes sy’n anghyfreithlon neu a ystyrir yn anaddas ar gyfer cefnogaeth gennym ni
  • Cyfraniadau mewn nwyddau
  • Dibrisiad, amorteiddiad, neu leihad o asedau cyfredol