Mae’r Gronfa hon yn un o bedair Cronfa Allweddol Ffyniant Gyffredin y DU sydd ar gael ym Mwrdeistref Sirol Wrecsam.
Gallwch ddod o hyd i ragor o ganllawiau ar gyfer y grant hwn a chyflwyno datganiad o ddiddordeb.
Amcanion
I gael eich ystyried ar gyfer y grant, bydd angen i chi gwblhau prosiect sy’n bodloni dau neu fwy o’r amcanion canlynol erbyn 31 Hydref 2024 fan bellaf:
- Creu swyddi
- Diogelu swyddi
- Sefydlu menter newydd
- Cyflwyno cynnyrch newydd i’r fenter (er enghraifft, cynnyrch mae’r fenter yn ei gynhyrchu / greu, nid cyflenwad stoc newydd)
- Mabwysiadu technoleg neu brosesau newydd i’r fenter
- Cynhyrchiant gwell
Mae’n rhaid i’r allbynnau fod yn gymesur i gyfanswm y grant y gofynnwyd amdano. Mae’n rhaid i chi egluro sut fydd eich prosiect yn bodloni’r amcanion yn ystod y broses ymgeisio.
Ar gyfer ceisiadau sy’n gofyn am gyllid grant o dros £5,000, creu swyddi neu ddiogelu yw’r prif amcanion cyllido a fydd yn cael eu hystyried i gyfiawnhau’r lefel o gymorth ariannol y gofynnir amdano. Yn ddelfrydol fe fyddem yn awyddus i greu neu ddiogelu un swydd barhaol sy’n cyfateb i lawn amser ar gyfer pob £5,000 o gyllid grant (fodd bynnag bydd rhywfaint o hyblygrwydd, yn seiliedig ar gyflawni allbynnau eraill).
Dyddiad cau ar gyfer cyflawni’r allbynnau a gytunwyd arnynt
Lle mae cynnig grant wedi’i wneud a’i dderbyn, mae’n rhaid i brosiectau a allbynnau gael eu cwblhau/cyflawni erbyn 31 Hydref 2024 fan bellaf, ac mae angen cyflwyno ffurflen hawlio grant erbyn y dyddiad cau hwn hefyd.
Methu â chyflawni / dangos allbynnau neu gydymffurfio â thelerau ac amodau
Dylech fod yn ymwybodol, os bydd eich cais yn llwyddiannus a’ch bod yn derbyn cynnig grant, ond wedyn eich bod yn methu â chyflawni’r allbynnau ymrwymedig a’u dangos, mae’n bosibl y caiff gwerth y grant ei leihau yn gymesur â’r allbynnau gwirioneddol. Gallai methu â chydymffurfio â thelerau ac amodau’r cynllun grant olygu na chaiff arian grant ei dalu, neu y caiff ei dynnu’n ôl.