Gallant:

• adolygu polisïau a phenderfyniadau 
• ymwneud â datblygu polisïau 
• dwyn y Bwrdd Gweithredol a swyddogion cyngor i gyfrif 
• cynnal adolygiadau i wella gwasanaethau 
• adolygu a chraffu ar wasanaethau asiantaethau allanol sy’n effeithio pobl Wrecsam
• gwneud argymhellion yn seiliedig ar dystiolaeth 
• cyfeirio argymhellion i’r Bwrdd Gweithredol neu’r Cyngor llawn, fel bo’n briodol 

Gall pwyllgorau craffu gymryd awgrymiadau gan amrywiol ffynonellau, gan gynnwys y cyhoedd, yn ogystal ag aelodau a swyddogion unigol. Gall pob pwyllgor hefyd nodi eu meysydd eu hunain i’w hadolygu.

Pan gyflwynir problem, mae aelodau craffu yn ystyried blaenoriaethau yn Wrecsam, beth sydd angen ei adolygu, a lle gallai craffu wneud gwahaniaeth. Fodd bynnag mae eu rhaglenni gwaith yn cael eu cadw’n hyblyg, er mwyn gallu ystyried materion annisgwyl.

Gall aelodau o’r cyhoedd fynychu cyfarfodydd craffu, oni ba bod eitemau personol neu gyfrinachol yn cael eu hystyried.

Mae pob pwyllgor fel arfer yn cyfarfod bob mis, er y gellir galw cyfarfodydd ychwanegol.

Mae’r rhan fwyaf o gyfarfodydd yn cael eu cynnal yn Neuadd Y Dref, Wrecsam. Fodd bynnag, os yw’n briodol, cynhelir cyfarfodydd mewn lleoliadau eraill. Os hoffech fynychu neu fod yn rhan o gyfarfod pwyllgor craffu, darllenwch y protocol ymgysylltu â’r cyhoedd.

Cyhoeddir agendâu o flaen llaw. Gallwch chwilio am agendâu ar ein tudalen agenda, cofnodion ac adroddiadau pwyllgorau.

I gael mwy o wybodaeth ar sut y gallwch gymryd rhan, cysylltwch â’n tîm craffu.

Mae pob pwyllgor craffu yn adolygu eu rhaglen waith bob mis.

Rhaid chwilio drwy’r calendr o gyfarfodydd i weld y rhaglenni gwaith mwyaf diweddar (dewiswch gyfarfod, lle dangosir y pwyllgor craffu perthnasol, i weld yr agenda a’r adroddiad rhaglen waith). 

Os nad yw’r agenda ar gyfer y cyfarfod penodol hwnnw ar gael eto, gwiriwch yr agenda ar gyfer y mis blaenorol, neu cysylltwch â’n tîm craffu. 

Mae Adran 7 y Cyfansoddiad yn cynnwys cylch gorchwyl y pwyllgorau craffu.